Gwaith gwarchodwr plant
Read this page in English
Mae gwarchodwyr plant cofrestredig yn gofalu
am un neu fwy o blant dan 8 oed am fwy na dwy awr y dydd i gyd.
Maent yn gwneud hyn mewn safle cartref (fel arfer yn eu cartref eu
hunain) am dâl. Mae gwarchodwyr plant cofrestredig yn cael eu
harolygu gan Ofsted yn Lloegr, neu Arolygiaeth Gofal a Gwasanaethau
Cymdeithasol Cymru (AGGCC), i sicrhau eu bod yn darparu amgylchedd
diogel ac ysgogol i’r plant maent yn gofalu amdanynt. Fel arfer mae
gwarchodwyr plant cofrestredig yn hunangyflogedig ac yn rhedeg eu
busnes eu hunain.
Er bydd pob diwrnod yn wahanol, gallai
diwrnod nodweddiadol gwarchodwr plant gynnwys:
- mynd i’r parc, amgueddfa, llyfrgell neu
gylch chwarae
- trefnu gweithgareddau dysgu difyr ac
ysgogol, fel gwisgo dillad ffansi, chwarae creadigol, darllen, a
dathlu digwyddiadau diwylliannol o bob rhan o’r byd
- darparu prydau bwyd a byrbrydau i’r plant,
eu cynnwys yn y gwaith o baratoi bwyd a dewis bwydlenni
- mynd â phlant i’r ysgol neu glybiau neu eu
casglu ohonynt
- gweithio gyda gwarchodwyr plant lleol
eraill i drefnu gweithgareddau grŵp.
Mae gwarchod plant yn yrfa ddeinamig sy’n
datblygu, felly, pan fyddwch chi wedi sefydlu eich busnes newydd,
mae digonedd o gyrsiau a chyfleoedd hyfforddiant a fydd yn datblygu
eich gwybodaeth a’ch hyder.
Bod yn rhan o’r gymuned
Mae cannoedd o brosiectau ledled Cymru a
Lloegr lle mae gwarchodwyr plant yn helpu teuluoedd lleol. Er
enghraifft, gwarchodwyr plant yn cynnig seibiant i deuluoedd sydd â
phlant anabl; gofalu am blant rhieni yn eu harddegau i ganiatáu
iddynt ddychwelyd i’r ysgol neu’r coleg; cynnig addysg gynnar i
blant 3 a 4 oed. Mae’r holl brosiectau hyn yn rhoi cyfle i chi
ychwanegu dimensiwn newydd at eich gyrfa a dysgu rhywbeth
newydd.
Mae llawer o gyfleoedd hyfforddi a datblygu
ar gael i chi fel gofalwr plant cofrestredig.