Read this page in English
Un o’r elfennau sy’n rhoi mwyaf o foddhad wrth ofalu am blant yw
gweld eu cynnwrf wrth iddynt ddysgu rhywbeth newydd, neu wrth
iddynt gyflawni rhywbeth am y tro cyntaf.
Mae gan hyfforddiant lawer i’w gynnig i
warchodwyr plant a nanis a’r teuluoedd y maent yn gweithio gyda
nhw. Gall hyfforddiant eich helpu i deimlo’n fwy hyderus yn eich
gwaith a rhoi cyfle ichi ddatblygu eich gwybodaeth a’ch
sgiliau.
Yn ogystal, mae ymchwil yn dangos fod plant
yn gwneud yn well pan fydd gan y rhai sy’n gofalu amdanynt fwy o
gymwysterau. (EPPE)
Mae hyfforddiant yn hanfodol i warchodwyr
plant cofrestredig. Mae’n rhaid i bob gwarchodwr plant ddilyn cwrs
rhagarweiniol mewn gofal plant yn y cartref a dal tystysgrif
cymorth cyntaf paediatrig fel rhan o’r broses gofrestru. Mae llawer
o warchodwyr plant a nanis yn dewis cyflawni uned gyntaf y Diploma
mewn Gofal Plant yn y Cartref (DHC) fel cwrs rhagarweiniol. Ac yng
Nghymru mae gwarchodwyr plant yn cael cynnig y cwrs yma yn ddi-dâl
fel rhan o’r broses gofrestru.
Gellir hyfforddi mewn coleg neu ganolfan hyfforddi neu drwy
gyfrwng cwrs dysgu o bell darparwyr fel y Coleg Estyn Cenedlaethol (NEC). Gall
dysgu yn y ffordd hon fod yn fanteisiol i warchodwyr plant – gan
drefnu eu hyfforddiant o amgylch eu hymrwymiadau gofal plant.