I rhieni
Read this page in English
Chwilio am ofal plant?
Mae dewis rhywun i ofalu am eich plentyn pan
ydych yn dychwelyd i weithio neu i ddilyn hyfforddiant yn un o’r
penderfyniadau pwysicaf allwch chi eu gwneud. Gofelir am bron i
500,000 o blant gan warchodwyr plant a nanis, sy’n golygu mai gofal
plant yn y cartref yw’r ail ffordd fwyaf poblogaidd o ofal plant
ffurfiol yng Nghymru a Lloegr.
Mae gwarchodwyr plant cofrestredig yn
gweithio yn eu cartrefi eu hunain, ac yn cynnig gofal i hyd at
chwech o blant ar unrhyw un adeg, o’r newydd-anedig hyd at blant 8
oed. Mae llawer o blant yn aros gyda’r un gwarchodwr am flynyddoedd
- a rhai nes byddant yng nghanol addysg uwchradd.
Mae gwarchodwyr plant cofrestredig yn
hunangyflogedig ac yn cael eu harolygu gan Ofsted yn Lloegr neu’r
Arolygiaeth Gofal a Gwasanaethau Cymdeithasol Cymru yng
Nghymru.
Cyflogir nanis gan rieni ac maent yn darparu
gofal plant yng nghartref y teulu ei hun. Nid oes raid i nanis fod
wedi eu cofrestru yn yr un modd â gwarchodwyr plant, ond gallant
gael eu "cymeradwyo" drwy ymuno â
Chofrestr Gofal Plant Gwirfoddol Ofsted (cyswllt allanol) yn
Lloegr neu’r Cynllun Cymeradwyo
Gofal Plant yng Nghymru (cyswllt allanol).